Далас маверикс и Голден Стејт вориорс одиграа неверојатен шутерски меч, во кој Далас славеше со 134:132 а Стеф Кари и Лука Дончиќ беа расположени за шутирање – Кари заврши со 57 поени, 5 асистенции и 2 скока, додека Словенецот имаше 42 поени (израмнување на својот рекорд), 11 асистенци и 7 скока.
Двајцата кошаркари во секоја четвртина постигнаа барем по 10 поени, но на крајот Далас стигна до тешко извојувана трета победа во последните 10 меча. Дончиќ имаше помош од Криштапс Порзингис со 18 поени и 10 скока, додека за Вориорс, Вигинс имаше 22 поени и 5 скока.
Фантастична партија со личен рекорд имаше и Никола Јокиќ, кој првпат во НБА кариерата стигна до 50 поени, но тие не беа доволни Денвер нагетс да ги победат Сакраменто кингс, губејќи го мечот со 119:114.
Јокиќ, кој имаше 22 поени во последната четвртина го заврши мечот со 17-од-27 за два поени, 3-од-5 за тројки и 7-од-7 слободни фрлања, а имаше и 12 асистенции и 8 скока за по 22 пати едноподруго да има дабл-дабл учинок.
НБА РЕЗУЛТАТИ
Орландо – Чикаго 92:118
Атланта – Торонто 132:121
Кливленд – Милвоки 99:124
Хјустон – Сан Антонио 106:111
Оклахома Сити – Минесота 120:118
Филаделфија – Бруклин 124:108
Далас – Голден Стејт 134:132
Њу Орлеанс – Мемфис 118:109
Л.А. Лејкерс – Детроит 135:129 ОТ
> Шутерска вечер во НБА – Кари до 57, Јокиќ до 50, Дончиќ до 42! <
