Започнаа активностите за расчистување на депонијата во село Драчево, со цел просторот напролет да стане зелен парк, соопштија од Општина Кисела Вода.
„По целосното расчистување на депонијата, која со години наназад создаваше грда слика и го загадуваше воздухот, на истото место, на површина од над 5.000 м2, Општина Кисела Вода ќе направи зелен парк со многу садници, патеки за прошетки и урбана опрема“, најавија од општината.
Оттаму велат дека жителите од селото Драчево, напролет ќе добијат нов голем парк за релаксација и уживање во природа.
