Бурманската војска ослободи околу 400 претходно приведени лица, вклучувајќи ги пратениците на политичката партија Националната лига за демократија (НЛД), објави новинската агенција Кјодо.
Според извештајот, на сите ослободени лица им било наредено да се вратат во своите домови. Извештајот исто така посочува дека раководството на НЛД останува во домашен притвор.
Во меѓувреме, неколку стотици луѓе одржуваат митинг против воениот удар во Мјанмар во близина на Министерството за надворешни работи на Јапонија. Демонстрантите бараат слобода за лидерката на НЛД, Аун Сан Су Кји и укинување на диктатурата на генералите.
