Поранешниот американски претседател Доналд Трамп ангажираше двајца нови адвокати за својата одбрана, неколку дена пред процесот за отповикување во Сенатот. Трамп синоќа објави дека одбраната ќе ја водат Дејвид Шон и Брус Л. Кастор Џуниор.
Во изјавата на Доналд Трамп се вели дека поранешниот претседател и адвокатите се согласуваат дека отповикувањето е неуставно.
Одлуката за ангажирање на нови бранители беше објавена откако петмина адвокати се повлекоа од одбраната поради несогласувања за тоа како да се постапи понатаму во процесот.
Трамп сакаше адвокатите да продолжат да ја бранат тезата за масовна проневера на претседателските избори што ги освои демократот Џо Бајден, наместо да се концентрираат на законитоста на постапката за отповикување на претседател кој не е на оваа функција.
Судењето на Трамп за „поттикнување мотивација“ по упадот на приврзаниците на поранешниот претседател во Конгресот на 6 јануари, треба да започне на 9 февруари.
