Новата вакцина „Новавакс“ се покажа како ефикасна 89,3 проценти во третата фаза на тестирање во Велика Британија, пренесува Би-би-си.
Вакцината се покажала како многу ефикасна и против новиот вид коронавирус регистриран во Велика Британија.
Велика Британија обезбеди 60 милиони дози од вакцината, што се произведува во градот Стоктон-он-Тис, на североистокот на Англија.
Вакцината се очекува да биде доставена во втората половина на годината, доколку е одобрена за употреба.
Велика Британија досега одобри три вакцини против коронавирус – на Оксфорд / Астразенека, на Фајзер / Бионтек и на Модерна.
Вакцината на американската компанија „Новавакс“ се дава во две дози. Во третата фаза од студијата учествувале повеќе од 15.000 луѓе на возраст од 15 до 84 години, а 27 проценти од нив биле постари од 65 години.
