Иран побара од Интерпол да издаде црвен налог за апсење на четири лица наводно вмешани во ноемвриското убиство на познатиот ирански нуклеарен научник Мохсен Фахризаде, изјави во полицискиот портпарол Мехди Хаџијан, пренесува „Спутник“.
„Поднесено е барање за издавање црвен налог до Интерпол во врска со четворица извршители на убиството на маченикот Фахризаде“, рече Хаџијан на прес-конференцијата.
Фахризаде, кој беше на чело на Центарот за истражување и иновации при Министерството за одбрана на Иран, беше убиен во северниот ирански град Абсард на 27 ноември. Иранските власти претходно го обвинија Израел дека е вмешан во нападот.
Иранските законодавци кон крајот на ноември го усвоија предлог-законот за заживување на нуклеарните активности на земјата по смртта на Фахризаде.
