Десет деца загинаа во огромен пожар во болница во Махараштра, најбогатата индиска држава, во саботата. Водечките политичари изразија тага за загубата на животи. Индиските медуми пренесуваат дека децата се на возраст од една до три години. Пожарникарите спасиле седум бебиња. Според првичните наоди на полицијата, причина за пожарот би можел да биде краток спој на електричните инсталации.
10 children killed in fire at Bhandara District General Hospital in #Maharashtra, reports ANI pic.twitter.com/5vrI1hATVF
— TOI Pune (@TOIPune) January 9, 2021
„Пожарот избувна утрово во два часот“, рече Прамод Кандате, хирург во општата болница Бандара во западната индиска држава. Седум од 17 деца од одделот за новороденчиња се спасени, изјави Хандате за медиумската куќа АНИ.
Премиерот на Махараштра, Удхав Такре нареди истрага за инцидентот.
Visuals: 10 children killed in fire at Bhandara District General Hospital in #Maharashtra pic.twitter.com/pOnaDpCYV5
— TOI Pune (@TOIPune) January 9, 2021
„Ова е страшна трагедија во којашто изгубивме драгоцени млади животи. Моите мисли се со нивните семејства. Се надевам дека повредените ќе се опорават што е можно поскоро”, објави твит индискиот премиер Нарендра Моди.
Бројни други политичари, вклучително и лидерот на опозицијата, Рахул Ганди, исто така изразија тага за загубата на животите, пренесува Ројтерс.
