Пациентите во болницата „Дел Маре“ во италијанскиот град Неапол беа евакуирани во петокот, откако се појави огромна дупка на паркингот пред болницата, што доведе до прекин на струјата и водата.
Пожарникарите биле повикани на местото на настанот откако се појави огромна дупка која проголта возила, сообраќајни знаци и дрвја. Спасувачките екипи биле испратени на терен со кучиња трагачи, а нема информации за повредени.
https://www.youtube.com/watch?v=C4EUA_Y3RLw
Некои медиуми наведуваат дека дупката е длабока околу 20 метри. Болницата беше привремено затворена поради прекини во снабдувањето со електрична енергија и вода. Локалните власти веруваат дека станува збор за хидрогеолошки проблем.
