Британскиот актер и комичар Џејмс Корден, водител на „Лејт лејт шоу“, соопшти дека се пријавил за WW-програмата откако „изел сè што имало во фрижидерот“ овој Божиќ.
Програмата WW порано беше позната како „Чувари на тежина“ или Weight Watchers, а сега се ребрендира во WellnessWins („Велнес победува“). Тоа е велнес-програм со наградување што ви дава поени за слабеење и здрав избор.
Објаснувајќи ја одлуката да се приклучи на WW, тој рече: “Сакам да го променам начинот на живеење. Сакам да бидам подобар за моите деца и за моето семејство. Сфатив дека секоја година во изминатата деценија, на 1-ви јануари си кажував сам на себе и на другите дека ќе држам диета, ќе ослабам многу. Здосадено ми е од тоа како изгледам, здосадено ми е од тоа што не сум здрав. Ова е годината кога конечно ќе го направам тоа.“
„Во текот на Божиќ изедов сè во фрижидерот затоа што во јануари во главата го започнав овој режим на исхрана и тоа ќе биде успех.”
„Ми рекоа дека она што правам погрешно е држење диета и дека тоа не е одговорот,“ рече Корден и додава дека од WW му кажале: „Ако се држите до нашиот режим – кој повеќе се занимава со велнес, здравје, и со тоа како да се чувствувате подобро, наместо губење килограми – тоа апсолутно може да успее“.
„Не сакам да се будам уморен, ниту да се чувствувам засрамен кога го бркам мојот син на фудбалски терен и останувам без здив по три минути,“ вели популарниот комичар.
