Државниот инспекторат за животна средина предложи казна од 20.000 евра за фабриката за хартија „Пејпер Мил“ од Кочани, откако не дале резултати промените во процесот и опремата на фабриката.
„Од првиот вонреден надзор над инсталацијата на 4.11.2020 година, направени се две мерења (на 13.11.2020 и 2.12.2020) и два пати е констатирано надминување на дозволените вредности.
Промените во процесот и опремата што во меѓувреме ги правеше инвеститорот не дадоа резултат. Предложена е казна од 20.000 евра, со решение е наредено да се врши редовно мерење на емисиите, а „Пејпер Мил“ се обврза да инвестира во вреќаст филтер поради повеќекратно намалување на емисиите.
Наредното мерење на емисиите е на 30 декември. Доколку со ова мерење се докаже надминување на граничните вредности, ќе се нареди инсталацијата да престане да го користи котелот на пелети и да премине на плин. Во спротивно ќе се забрани работењето, сè до обезбедување на филтерот и водење на процесот на начин на кој нема да се загадува Кочани. Нема компромис во битката за чиста животна средина“, соопшти инспекторатот.
