Високиот суд во Синд нареди ослободување на Ахмед Омар Саид Шеик и тројца други кои беа затворени во последните 18 години во врска со случајот со убиството на американскиот новинар Даниел Перл во Пакистан, пренесува „Спутник“.
Судот веќе ги ослободи Фахад Насим, Шеик Адил и Салман Сакиб, додека Саид Шеик беше осуден на седум години затвор. Судот рече дека наредбите издадени од цивилниот орган се ништовни.
Смртната казна на Шеик беше преиначена на седум години бидејќи полицијата не успеа да утврди дека покрај киднапирањето, тој учествувал и во убиството на новинарот на „Волстрит журнал“. Шеик помина 18 години во затвор и седумгодишната казна за киднапирање му се смета за издржана. Сепак, цивилниот орган го примени Антитерористичкиот акт против обвинетите и ги задржа во притвор по ослободувањето.
Перл, новинар на „Волстрит журнал“, беше киднапиран и убиен во 2002 година во јужниот пристанишен град Карачи додека работел на истрага за наводните врски на верските лидери со Ал Каеда.
