Дедо Мраз, кој посети дом за стари лица во Белгија, зарази 118 лица со коронавирус.Според извештаите на локалните медиуми, син на корисник на старски дом во градот Антверпен го посетил домот во костум на Дедо Мраз за да ги развесели корисниците.
Набргу по посетата, 45 лица, кои биле во близок контакт со него, почнале да покажуваат симптоми на инфекција. Неколку дена по посетата на Дедо Мраз, инфекцијата е потврдена кај 98 корисници на домот за стари лица и 20 вработени. Фотографиите направени за време на посетата покажуваат дека голем број луѓе не носеле заштитни маски.
