Во последните 24 часа, во Хрватска се регистрирани 2.360 нови случаи на инфекција со коронавирус, така што бројот на активни случаи сега се зголеми на 21.861.
Меѓу нив, 2.897 пациенти се во болница, од кои 304 се на апарати за дишење.
Починаа 73 лица.
Од 25 февруари годинава, кога е регистриран првиот случај на инфекција во Хрватска, забележани се вкупно 179.718 лица заразени со Ковид-19, од кои 2.778 починале, а вкупно 155.079 пациенти се опоравиле, од кои 3.195 во последните 24 часа.
Во моментов има 51.108 лица во самоизолација. До денес се тестирани вкупно 896.828 лица, од кои 8.748 во последните 24 часа.
