Блокадите, деструкциите и хистериите на Христијан Мицкоски вчера беа одново поразени на локалните избори за градоначалник на Штип. Мицкоски повторно го стигна казната од граѓаните, соопшти СДСМ.
„ По којзнае кој пат граѓаните кажаа НЕ на лагите, на бојкотот и блокадите на очајниот губитник Мицкоски и неговото ВМРО-ДПМНЕ. Четири години само Мицкоски е тој што губи и на локални и на претседателски и на парламентарни избори и на референдум. Затоа е очаен затоа што знае дека неговите лаги не му поминуваат ниту во сопствената партија.
Граѓаните не сакаат политичари како Мицкоски, кои се без став за важни прашања, кои шират лажни вести, кои работат против интересите на својот народ и својата држава како што постојано тоа го прави Мицкоски.
Со таквото однесување Мицкоски уште долго ќе биде во опозицијата затоа што граѓаните се напредок, за развој, за интерграција и нема да дозволат никогаш повеќе ВМРО-ДПМНЕ и Мицкоски да ги вратат назад, во изолација и неизвесност“ се вели во реакцијата на партијата.
