Чарлс Оливеира стигна до својата осма победа во низа, декласирајќи го Тони Фергусон на УФЦ 256 во Лас Вегас, најавувајќи дека е подготвен за титулата во лесна категорија и во исто време поставувајќи го Фергусон, порано еден од најценетите ол-раунд фајтери во тешка позиција.
Оливеира (30-8) за малку ќе добиеше победа со предавање против Фергусон (25-5) во доминантната прва рунда, за потоа до крајот на мечот да биде супериорниот фајтер и да го добие мечот со 30:26 скор кај тројцата судии.
„Јас сум единствениот кој го прифати овој меч во последна минута. Знаев дека ќе биде тешко, но морав опасно да ја најавам 2021 година“, изјави 31-годишниот Оливеира.
За 36-годишниот Фергусон ова може да е почетокот на крајот. Тој ја почна 2020 со фантастична низа од 12 победи и конечно доби шанса за меч со Хабиб Нурмагомедов. Но, КОВИД-19 предизвика повлекување на Хабиб од тој меч, и во мај тој катастрофално загуби од Џастин Гетџи.
Сега, Оливеира најверојатно ќе се бори со подобриот од мечот меѓу Конор Мекгрегор и Дастин Поаире на 23 јануари.
> УФЦ: Оливеира го декласираше Тони Фергусон, следен е Конор? <
