Веќе трет ден силен медитерански циклон влијае на временските прилики на целиот Јадран. Нискиот притисок на воздухот предизвика циклонска плима, така што нивото на морето денес е за неколку десетици сантиметри над нормалното, пишува „Далмација денес“.
Поплавени се Каштелите и Трогир.
Хрватскиот град Вргорац, во Сплитско-далматинската Жупанија, беше поплавен по обилните дождови, како и околината.
Патиштата се под вода во Вргорац, а загрозени се и куќите, ситуацијата се влошува од час во час, а врнежите се најавени и во наредните денови.
Локалните медиуми јавуваат дека локалното население спасува се што може да се спаси од куќите и градат „зајачки насипи“.
Во тоа им помагаат членови на хрватската горска служба и работници од „Водопривреда“.
