Во попладневнитге часови иа 29 ноември во тетовското село Челопек полицијата го уапсила 24-годишниот М.М. бидејќи при претрес во неговиот дом и помошни простории биле пронајдени и одземени автоматска пушка со калибар 7,62 милиметри, неколку празни рамки и чанта со марихана.
Претходно, 24-годишникот по меѓусебна расправија со неговиот сосед Н.Р.(47), со автоматска пушка испукал еден куршум во воздух.
Увид на местото на настанот извршила екипа од СВР Тетово, при што на местото била пронајдена една чаура калибар 7,62 мм.
Тој бил приведен и задржан во полициската станица во Тетово.
По целосното документирање на случајот, на М.М. ќе му биде изготвен соодветен поднесок, со кој денеска ќе биде изведен пред судија во претходна постапка на Основниот суд Тетово.
