Најпопуларниот американски ТВ-квиз „Џепарди!“ има највисок рејтинг во последните седум месеци, а рекордната гледаност се должи на претходно снимени епизоди што се емитуваат по смртта на долгогодишниот водител Алекс Требек кој почина на 8 ноември на 80-годишна возраст.
Од 9 ноември наваму, Jeopardy! во просек имал 10.05 милиони гледачи на ден за епизодите емитувани во текот на неделата, што е скок од 24% во однос на просечната сезона на шоуто од 8,1 милиони“, пренесуваат медиумите.
Додека се лекуваше од болеста карцином на панкраес, Требек сними сосема нови епизоди кои ќе се емитуваат до почетокот на јануари.
Требек квизот го водел од 1984 година.
