Евертон, Јувентус и Интер го следат фудбалерот на Лацио, Луис Алберто. Овие клубови, како што пишува „Газета дело Спорт“, во јануари ќе се обидат да го реализираат трансферот на 28-годишниот фудбалер.
Луис Алберто, неодамна, јавно го критикувал претседателот на Лацио, Клаудио Лотито. Медиумите тврдат дека поради ваквите критики тој повеќе нема иднина во клубот од „Олимпико“.
Покрај споменатите три клуб, интерес за Луис Алберто, покажале и неколку екипи од Шпанија.
Неодамна на платформата „Твич“, Алберто, го критикувал претседателот Лотито, кога дознал дека тој си купил нов авион.
„Авион? Убаво, но можеше и на фудбалерите да им ги исплати платите. Купува работи, а нас не ни дава плата“, рекол Алберто.
> Јавно го критикувал претеседателот Лотито, Луис Алберто ќе замине Лацио <
