Властите во Јужна Австралија одлучија да ја отстранат шестдневната блокада откако се покажа дека заразениот со коронавирус, поради кој е воведено целосно затворање, ги излажал властите.
Пред два дена Јужна Австралија го ограничи движењето на граѓаните и работењето на економските субјекти од страв дека има масовна зараза во една пицерија од страна на „супер-пренесувач“.
Сепак, се покажа дека човекот, кој се заразил со коронавирус, дал лажна изјава за неговите контакти.
Според медиумите, тој изјавил дека некогаш бил во позната пицерија каде што избувнала инфекција, а се покажало дека неколку пати престојувал таму како работник.
Откако се откриени повеќе од 20 заразени лица, властите веруваа дека човекот кој наводно еднаш бил во пицерија е „супер предавател“ и веднаш наредиле блокада, со цел да се спречи масовното ширење на вирусот. Истрагата подоцна утврдила дека човекот работел во таа пицерија и дека со денови одел на работа заразен.
„На крајот, приказните не се совпаѓаа и беше откриено дека човекот лажел. Од сабота мерките ќе бидат релаксирани“, најавуваат надлежните.
Граѓаните беа бесни кога дознаа за овој пропуст од властите и се прашуваат како е можно изјавата на еден човек да доведе до целосна блокада на регионот.
„Зошто властите не ја проверија неговата изјава пред да одлучат да нè заклучат сите нас“, коментираа луѓето на социјалните мрежи
