Скопското основното јавно обвинителство поднесе обвинение против едно лице за кривично дело – Неовластено изработување, држење, посредување и тргување со оружје.
Обвинетиот 30-годишник, на 30 октомври, во неговиот дом на скопската улица „Методија Андонов Ченто“, неовластено држел пиштол V.BERNADELLI GARDONE V.T. со калибар 7,65 милиметри, со механички отстранет сериски број.
При претресот кај него била пронајдена и рамка со седум куршуми за тој пиштол.
Надлежниот јавен обвинител до Основниот кривичен суд Скопје доставил предлог за продолжување на претходно определената мерка куќен притвор за обвинетиот, како и на мерката за привремено одземање на патната исправа, со цел да се обезбеди негово присуство во текот на постапката против него.
