Синоќа, околу три часот по полноќ, 24-годишен полицаец од скопското село Инџиково се повредил додека го чистел службениот пиштол.
Како што информираат од МВР, А.С.(24) при чистењето на пиштолот, од невнимание испукал еден куршум и се здобил со повреда во десното стапало.
Тој бил пренесен во комплексот клиники „Мајка Тереза“ за укажување на лекарска помош.
За инцидентот известен бил и Одделот за внатрешна контрола при МВР.
