Поранешниот американски претседател Барак Обама не би прифатил место во администрацијата на новоизбраниот претседател на САД, Џо Бајден.
Запрашан во интервју за Си Би Ес како ќе му помогне на Бајден откако ќе ја преземе функцијата во јануари, Обама одговори дека на Бајден не му се потребни неговите совети.
„Ќе му помогнам на секаков можен начин. Не планирам одеднаш да почнам да работам како член на кабинетот на Белата куќа“, рече Обама.
На прашањето дали размислува за функција во новата администрација, Обама изјави дека некои работи никогаш не би ги направил бидејќи неговата сопруга Мишел веднаш ќе се разведе од него.
