Црвена звезда пропушти предност од 13 поени, за да загуби дома од Реал Мадрид со 67:73 во осмото коло на Евролигата, дозволувајќи „кралевите“ по третпат да си заминат од Белград со победа.
Тимот на Саша Обрадовиќ имаше фантастично прво полувреме во кое имаа предност и од 13 поени, но Реал одигра уште подобро во третата четвртина, правејќи пресврт од кој потоа немаше враќање. Победата беше многу значајна за Реал, кои го подобрија скорот на неутрални 4-4, додека Зведа сега има 3-5 по осум кола.
Треј Томпкинс постигна 14 поени за Реал, Ентони Рендолф имаше 13, а по девет постигнаа Џејси Керол и Серхио Љуљ, додека за Звезда, Џордан Лојд имаше 22 поени, а Кори Волден заврши со 16.
> Звезда пропушти +13, Реал со победа во Белград <
