Францускиот премиер Жан Кастекс ќе побара одлагање на три месеци на регионалните избори закажани за март 2021 година, поради пандемијата на коронавирус.
Кабинетот на премиерот соопшти дека тој ќе предложи изборите да се одржат во јуни, пренесе Ројтерс.
Со 1,9 милиони потврдени случаи на Ковид-19, Франција е четврта земја во светот по бројот на заболени.
Моментално на сила се рестриктивни мерки со цел сузбивање на ширењето на вирусот.
