Германија не очекува вакцината против коронавирус да биде достапна пред првиот квартал од следната година, пишува во копијата од нејзината национална стратегија за вакцинација.
Во стратешкиот документ на Министерството за здравство на 15 страници, до кој „Ројтерс“ имаше пристап, седум потенцијални вакцини, чие тестирање треба да заврши оваа или следната година, може да бидат достапни во доволни количини за да се започне национална кампања за вакцинација за приоритетните групи.
Станува збор за вакцините на Астразенека, Бионтек со партнерот Фајзер, Модерна и Нововакс, Џонсон и Џонсон, Глаксосмитклајн и Кјурвек.
Германија планира да формира централизирани центри за вакцинација и да ги вакцинира приоритетните групи пред се.
