Денеска околу 1 часот по полноќ нуркачите го извлекле телото на 4-годишно дете од река во Ротенбург, Долна Саксонија, во Германија. За убиството е осомничена неговата 40-годишна мајка.
Како што пишува Билд, спасувачите плачеле додека го извлекувале малото безживотно тело.
Мајката претходно била во болница со нејзиниот син.
„Детето се лекуваше таму“, изјави државниот обвинител Мартин Шанц.
Синоќа околу 21 часот мајката и синот исчезнаа од болницата. Кога ја пронашле, за време на испрашувањето било откриено дека го турнала детето во реката.
Околу 22:30 часот, спасувачите започнале да ја пребаруваат реката со чамци. Мртвото тело на момчето било пронајдено дури по два часа.
