Комесарот за проширување на ЕУ, Оливер Вархеји, вели дека ЕУ ќе остане со Западен Балкан и во вториот бран на пандемијата на Ковид-19.
„Бевме со регионот за време на првиот бран и веднаш им испративме помош во форма на медицинска опрема и поддршка на економијата. Гледаме дека доаѓа вториот бран и мора да се подготвиме да им помогнеме доколку е потребно”, рече Вархеји.
За време на видеоконференцијата „Западен Балкан по 2020 година: Процедури и одлуки за време на пандемијата“, тој повтори дека за Европската комисија Западен Балкан и нејзината иднина во ЕУ се приоритет од почетокот на мандатот, што, како што рече, е во интерес и на регионот и на ЕУ.
