Новата филмска верзија на романот „Вештерките“ (The Witches) на Роалд Дал е критикувана поради прикази на деформирани екстремитети.
Во филмот, во кој глуми Ен Хатавеј, се појавуваат зли ликови кои имаат изразени оштетувања на рацете и нозете.
Познатиот британски актер, комичар и ТВ-презентер Алекс Брукер, кој е роден со деформирани раце, изјави за Би-би-си дека некои имиџи се навистина морничави и можат да допринесат за стигмата околу попреченоста.
Филмското студио Ворнер соопшти дека длабоко жали откако дознале дека филмот може да ги вознемири лицата со попреченост.
Во изјавата, компанијата рече: „Никогаш не беше намерата гледачите да почувствуваат дека треба да ги претставуваат фантастични, нечовечки суштества.“
