Жозе Мурињо повторно е во „елемент“. На денешната прес-конференција, менаџер на Тотенхем беше запрашан за новата биографија на легендарниот менаџер на Арсенал во која нема ниту еден збор за лутото ривалство со Португалецот. Одговорот беше легендарен!
„Не сум во книгата бидејќи никогаш не ме победи. Нема да правиш поглавје во книгата за 12 или 14 меча без ниту една победа. Зошто би зборувал за мене во книгата? Книгата треба да те направи среќен и горд. Затоа целосно ја сфаќам ситуацијата“, вели Мурињо.
Мурињо и Венгер имаа луто ривалство во периодот кога Португалецот беше прв човек на Челси, во најславниот период на „сините“. Во 19 меѓусебни дуели, Мурињо победи во 10, седум меча завршија без победник, а Венгер победи само двапати.
Лутото ривалство донесе и некои легендарни моменти во Премиер лигата, како туркањето на аут-линијата во 2014 година. Истата сезона Мурињо го нарече Венгер „специјалист за неуспех“.
Jose Mourinho knows why he wasn’t mentioned in Arsene Wenger’s book ? pic.twitter.com/xc0TRwTnaN
— B/R Football (@brfootball) October 16, 2020
> Мурињо го „изгоре“ Венгер: Не пишува за мене, бидејќи никогаш не ме победи <
