Реал Мадрид биле подготвени да го продадат Еден Азар и пред да заврши оваа сезона, тврдат шпанските медиуми. Белгиецот минатото лето пристигна на „Сантијаго Бернабеу“ за 100.000.000 евра, но слично како и неговиот колега Лука Јовиќ не успеа оправда ниту еден цент од парите што ги вложи клубот во неговиот трансфер. Шпанците пишуваат дека неговата цена на фудбалскиот пазар паднала за 40 проценти.
Еден Азар од првиот ден во Реал има проблеми со повредите и вишокот килограми. Дел од клупските челници биле незадоволни и што тој редовно се приклучува на репрезентативните собири. Според нив подобро би било да останува во Мадрид и да работи на својата форма.
Со евентуалната продажба на Азар клубот би ослободил уште место во буџетот за плати. Неговото заминување е поврзано и со можниот трансфер на Килијан Мбапе наредното лето.
Французите на почетокот на сезоната најавија дека Мбапе по завршувањето на оваа сезона ќе го напушти ПСЖ.
> Реал биле подготвени да се разделат со Азар <
