Триесетгодишен скопјанец сo автомобил удрил во пешак кој со тешки повреди бил пренесен во болница.
Според информациите на МВР, несреќата се случила вчера во 21 часот на бул.„Кочо Рацин“ во Скопје, кога автомобил „бмв“, со скопски регистарски ознаки, управуван К.Н.(30) од Скопје, удрило во пешакот Д.К.(24) од Свети Николе.
Во незгодата, пешакот се здобил со тешки телесни повреди, констатирани во Комплекс клиники „Мајка Тереза“ во Скопје. Увид на местото извршила екипа од СВР Скопје.
