Гувернерот на Калифорнија, Гавин Њусом, го одобри законот со кој се бара од компаниите со седиште во Калифорнија да назначуваат директори од помалку застапените заедници во нивните одбори, што е прв закон во САД кој ја диктира расната застапеност во корпоративните одбори, пренесува „Ју-ес-еј тудеј“.
Како помалку застапени заедници се сметаат Афроамериканци, Латиноамериканци, азиски Американци, Индијанци, Хавајци, како и жители на Алјаска и на Пацифичките острови. Компаниите исто така се охрабруваат да назначат директори кои се декларираат како хомосексуалци, лезбејки, бисексуалци или трансродови личности.
Законот е мотивиран од легислатива од 2018 година, според која јавните корпорации во Калифорнија треба да ги диверзифицираат своите генерално машки комитети.
Некои конзервативни групи се побуниле за ваквата одлкуа, но меѓу политичките актери нема многу противници, пренесуваат американските медиуми.
