Во моментов се одржува консултација на Министерот за здравство Венко Филипче со членовите на Комисијата за заразни болести, информираат од ресорното министерство.
„На состанокот се анализира актуелната епидемиолошка состојба и зголемениот број на нови случаи со Ковид-19 во земјава“, стои во соопштението во кое се додава дека министерството ќе достави повеќе информации по завршување на консултативната средба.
Денеска здравствените власти регистрираа 225 нови случаи на инфекција, на 1.694 направени тестови, што е зголемување во однос на дневната бројкта од претходните недели.
Исто така во изминатите 24 часа пријавени се шест смртни случаи од компликации предизвикани од Ковид-19.
