Шампионот од Лига Европа, Севилја стигна до втората победа на стартот на сезоната во шпанската Ла лига, откако во 92. минута го совлада Леванте на Енис Барди, додека Кадиз направи сензација на „Сан Мамес“, откако со девет играчи стигна до 1:0 победа над Атлетик Билбао.
Леванте, за кои Барди играше до 62. минута, се покажаа како цврст противник, откако на Севилја им беше поништен еден гол поради офсајд, пред во 92. минута, Мароканецот Јусеф Ен Несири да добие одлична топка од Навас и да стигне до трите поени за андалузискиот клуб.
Кадиз пак, стигна до изненадувачка 1:0 победа во Баскија со автоголот на Унаи Лопез, за Атлетик веќе да има два порази во новата сезона.
> Севилја драматично против Леванте, Кадиз со девет играчи го победи Билбао <
