Кавадарчанец со иницијали А.В. на возраст од 22 години бил уапсен во Скопје околу 1 часот по полноќ на 30. септември.
Како што информираат од МВР, 22-годишникот се обидел да изврши тешка кражба во аптека на булеварот „Видое Смилевски Бато“, но бил уапсен пред истата.
Тој е задржан во полициска станица, а за случајот е известен јавен обвинител. По документирање на случајот ќе биде поднесена соодветна пријава.
