Полицијата вчера казнила 890 лица за неносење маска, што е законска обврска од 1 мај.
„Во текот на изминатото деноноќие (30.09/01.10.2020 година) на територијата на Република Северна Македонија по однос на мерката за неносење лична заштита на лице регистрирани се 890 прекршоци“, соопшти МВР.
Министерството апелира до граѓаните да ги почитуваат мерките и протоколите донесени од Владата со цел справување со Ковид -19.
Маските се задолжителни во затворен простор и на отворено каде што не е можно да се одржи дистанца.
