Времето утре ќе биде сончево со мала до умерена локална облачност и со слаб до умерен ветер претежно од јужен правец. Утрото ќе биде доста свежо, минималната температура ќе биде во интервал од 4 до 13, а максималната ќе достигне од 24 до 29 степени, информира УХМР.
Во Скопје ќе биде сончево со слаб променлив ветер. Минималната температура ќе се спушти до 10, а максималната ќе достигне 28 степени.
Од вторник следува период со повремено зголемување на облачноста и со слаб до умерен јужен ветер. Во попладневните и вечерните часови, и претежно во западните делови ќе има појава на локален дожд и ретки грмежи.
