Утрински Весник
Македонија

Заврши гасификацијата на болницата „Мајка Тереза“ во Чаир

Заврши гасификацијата на болницата „Мајка Тереза“ во Чаир

Еден од најголемите загадувачи на Скопје, Специјалната болница по гинекологија и акушерство „Мајка Тереза“ во Чаир е гасифицирана. Инвестицијата е вредна 17 милиони денари, и станува збор за значаен капитален проект.

„Досега оваа болница се грееше на мазут и беше еден од најголемите загадувачи во Скопје, се жалеа сите. Овие црни оџаци повеќе нема да функционираат. Поставени се панели на кровот коишто се користат да се загрее водата во бојлерите и посебен резервоар за гас којшто прима компримиран гас со којшто ќе се грее болницата во зимските периоди, но истовремено ќе се користи за топла вода,“ изјави министерот за здравство Венко Филипче.

Тој додаде дека со поддршка на Светска банка се разговара за енергетска ефикасност и за други здравствени институции, за болниците повеќе да не загадуваат туку да се загреваат на гас.

Извор: meta.mk

Можете да прочитате

СДСМ бара оставка од Љутков за хаосот во културата

Спроведени 617 вонредни контроли пред Велигден, уништени 1 740 килограми небезбедна храна

Нема подолги задржувања на граничните премини