Ирската полиција го испитува наводно „расно мотивиран инцидент“, откако една жена била турната во Гранд канал во Даблин. Видео кое кружи на социјалните медиуми покажува дека две момчиња ја туркаат жената во канал, јавува Би-би-си.
РТЕ наведува дека Суедан Сионг, која живее во Кастлнок, со помош на случајни минувачи била извлечена од водата. Жената не е повредена и изјавила дека била нападната поради расна дискриминација.
