Манчестер јунајтед се заинтересирани да го добијат крилото на Јувентус, Даглас Коста, откако го пропуштија „крајниот рок“ кој го постави Борусија Дортмунд за трансферот на Џејдон Санчо, тврдат англиските и италијанските медиуми.
Дортмунд му постави на Јунајтед краен рок до денеска да платат 120 милиони евра и да го добијат младиот Англичанец и германскиот клуб замина на тренинг-камп во Швајцарија со Санчо во тимот.
„Ѓаволите“ не сакаа да ја платат оваа сума и не ги убедија Дортмунд да ја намалат цената, и според „Тутоспорт“ веќе имало контакти со Јувентус за трансферот на Бразилецот Даглас Коста, кој не се наигра под Маурицио Сари, стартувајќи само во шест меча во Серија А.
По именувањето на Андреа Пирло како тренер, се очекува да има „чистка“ меѓу фудбалерите на „старата дама“ и Јунајтед се фаворити за потписот на 29-годишниот Коста. Бразилецот дојде во Јувентус од Баерн Минхен во 2017 првично на позајмица, а потоа со постојан договор вреден 35 милиони евра.
> Јунајтед го пропуштија „крајниот рок“ за Санчо, сега се фокусираат на Даглас Коста <
