Министерот за надворешни работи на Германија потврди дека вработена во Германската амбасада во Бејрут загинала во силната експлозија што го уништи либанскиот главен град претходно неделава, пренесува „Брејтбарт“.
Хајко Маас во изјавата вели дека жената починала како резултат на последиците од експлозијата во нејзиниот стан. Тој им изрази сочувство на вработените во амбасадата.
Во експлозијата е оштетена и зградата на амбасадата.
Експлозијата во вторникот најверојатно е предизвикана од ненамерен пожар што запалил 2.700 тони амониум нитрат во хангат во пристаништето во Бејрут. Во експлозијата загинаа најмалку 135 лица, повредени се повеќе 5.000 и предизвикана е огромна материјална штета.
