Лидерите на земјите од Западен Балкан попладнево почнаа видеосамит организиран од страна на вашингтонскиот Атлантски совет.
Средбата е посветена на конкретни чекори за подобрување на регионалната економска соработка и привлекување странски инвестиции.
На самитот присуствуваат српскиот претседател – Александар Вучиќ, косовскиот премиер – Авдулах Хоти, албанскиот премиер – Еди Рама, македонскиот претседател – Стево Пендаровски, претседателот на Советот на министрите на БиХ – Зоран Тегелтија и црногорската министерка за економија – Драгица Секулиќ.
На собирот учествуваат и претставници на ЕУ, САД и меѓународната заедница.
Средбата ја отвори Дејмон Вилсон од Атлантскиот совет.
Според организаторите, се очекува оваа средба да придонесе за економско закрепнување на регионот по пандемијата на коронавирусот.
