Филмското студио „Волт Дизни“ во четвртокот ја одложи премиерата на својот филм „Мулан“ на неодредено време, нанесувајќи им нов удар на операторите на киносали кои се надеваа дека долгоочекуваната лајв-екшн верзија на епскиот анимиран филм ќе помогне во привлекување публика во време на пандемија.
„Мулан“ првично требаше да почне да се прикажува во март, но премиерата беше одложувана неколку пати бидејќи многу киносали сè уште се затворени.
„Дизни“ исто така соопшти дека ги одложува новите продолженија на два од неговите најголеми серијали, „Аватар“ и „Војна на Sвездите“, за една година, поради светската здравствена криза предизвикана од новиот коронавирус Ковид-19.
