Еминем е загрижен за тоа како ќе биде прикажан во претстојните мемоари на Мараја Кери имајќи ја предвид нивната комплицирана врска.
47-годишниот музичар,чие вистинско име е Маршал Метерс, знае дека поп-ѕвездата „ќе каже многу негативни работи за него, и тој го очекува нападот, и речиси го поздравува“, изјави извор за американски „Њусвик“ во средата.
Инсајдерот открива дека таа отсекогаш била Ахиловата пета на Еминем “бидејќи тие имале многу токсичен однос“. Раперот од Детроит е особено загрижен за тоа што Кери ќе пишува за своите искуства зад затворени врати – конкретно, во спалната соба.
„Маршал стравува дека Мараја ќе каже дека тој бил лош во кревет или дека бил себичен љубовник. Тој секогаш се чувствуваше многу несигурен во врска со ова. И Кери го знае тоа“.
Кери се здружи со писателката Анџела Дејвис за да ја сподели својата приказна во биографска книга насловена „Значењето на Мараја Кери“.
