ДИК веднаш да ги поправи грешките и да презентира точни резултати пред јавноста, бараат од СДСМ.
„Според податоците на изборниот компјутерски центар на СДСМ, разликата во корист на коалицијата Можеме изнесува најмалку три мандати, а во податоците презентирани од страна на ДИК забележани се сериозни недостатоци и грешки кои може да даваат неточна слика за конечниот резултат“, велат од партијата.
Социјалдемократскиот сојуз на Македонија им честита на сите граѓани за, како што велат, успешните, демократски и соврмени парламентарни избори на кои, се додава во соопштението, победи опцијата која нуди сигурна иднина за Северна Македонија.
„Заедно со демократското граѓанско мнозинство, СДСМ го победи режимот на ВМРО-ДПМНЕ и го испрати во неповратно минато“, се наведува во соопштението.
Македонската иднина, додаваат од СДСМ, е во сигурни раце, а земјата и народот продолжуваат напред водени од одговорна и прогресивна власт.
