Македонскиот автомобилист Виктор Давидовски победи на виртуелната трка во ТЦР Европа. Трката се возеше на патеката Золдер во Белгија.
Давидовски забележа победа на втората трка која виртуелно се возеше во Золдер. Тој триумфираше пред Жил Магнус и Лука Филипини.
Првата трка му припадна на Унгарецот Даниел Наѓи.
Најдобрите возачи во ТЦР Европа сезоната ќе ја започнат кон крајот на август. Во периодот од 21 до 23 август ќе возат во Франција.
