Аеродромот во Милано „Линате“ ќе биде отворен денес по четири месеци, но првите два дена ќе поминат без летови.
Првите летови, кои ќе ги реализираат авиокомпаниите „Луфтханза“, „Иберија“ и „Ер Малта“, се закажани за во среда, а италијанската компанија „Алиталија“ ќе има летови од 24 јули.
Патниците се должни да носат заштитни маски на аеродромот и да ги почитуваат правилата за физичко растојание, а на влезот ќе им се мери температура.
Аеродромот беше затворен во почетокот на март, како дел од мерките за да се спречи ширењето на коронавирусот.
