Неверојатни сцене, за рубриката верувале или не, се случи во Романија, на бараж-натпреварот за пласман во елитната дивизија помеѓу Петролул и Рапид од Букурешт.
Петролул со играч повеќе на теренот во 67 минута добија пенал. Голманот Попа го одбрани ударот на Арнаут, меѓутоа голманот пред време ја напуштил гол-линијата поради што судијата решил да го повтори пеналот. Поради протестите голманот на Рапид доби жолт картон.
Повторениот пенал го изведе Маринеску, а Попа го одбрани и неговиот шут, меѓутоа повторно пред време ја напуштил гол-линијата. Судијата го поништи пеналот, а Попа го доби вториот жолт картон.
Петролул повторно го сменија изведувачот. пеналот го изеде Мезаколи, а на голот на Рапид застана Татру. Ударот на играчот на Петролул заврши над голот.
На крајот натпреварот заврши без голови.
