Светската првенка во брзо лизгање на кратки патеки Лара ван Рујвен почина на 27 годишна возраст. Ван Рујвен боледувала од авто имуна болест. Таа се разболела минатиот месец за време на тренинг кампот во Перпигнан, Франција.
Лекарите веднаш ја ставиле во вештачка кома и била извршена операција меѓутоа нејзината состојба рапидно се влошила.
„Ова е неверојатен удар за нашата сплотена заедница. Ни недостигаше во изминатите две недели, а оваа вест што ја добивме, тажно“, рекол тренерот на холандската репрезентација Јерон Отер.
Ван Рујвен минатата година стана светска првенка на шампионатот во Софија. Таа на Зимските олимписки игри во Пјонгчан беше членка на штафетата на Холандија која освои бронзен медал на трката на 3.000 метри.
